عبدالرحمن بن سهل خوي الامير محمد بن عبد العزيز

[center]في هذا المتصفح حضرت ومعي بعض قصائد
احد شعراء قبيلة عتيبه والعصمه بالتحديد
وهو رمز من رموز الشعر في وقته
وبقي موجود وعالق في اذهان الكثير
من متذوقي الشعر الى وقتنا الحاضر
وهو الشاعر العلم والرجل النبيل باخلاقه
وبدينه وبكل مايتصف به الرجل في جزيرة العرب
وكل هذه الصفات والمعلومات جمعتها لكم
ولجميع متذوقي الشعر ومن يسال عن قصائد هذا الشاعر
من ذاكرت رجل عاش مع هذا الشاعر سنوات وحفظ له
الكثير من القصائد وهو والدي امد الله في عمره الرواي والدي (ظافر بن العلبا الخنفري)
وللامانه الادبيه هذا انا بينكم مبلغ لهذه الامانه بما تجود به ذاكرت والدي
من قصائد وقصص لهذا الشاعر وهو الشاعر :
عبدالرحمن بن سهل بن جندل السريعي العصيمي(رحمة الله عليه)
وفي بداية هذا المتصفح اورد هذه القصه والقصيده للشاعر
وهي قصيدة الطاسه:
كان عبدالرحمن بن سهل احد القائميمن على رعايا الشيوخ مع ابو رقبه
وكان احد المقربين لمحمد بن عبدالعزيز ال سعود
وكان نازل على تبراك في الجله و له جيران احدهم من قبيلة الروسان ويسمى محمد ويلقب بعنتر
وجاره الاخر شيباني يقال له نوار وكانت الدلال عند عنتر الرويس وكان عنده طاسه من نحاس وغاليه عنده
واخذها احد الاطفال وراح بها لبير الماء وفقدت الطاسه وكان على البير الكثير من قبائل الباديه وكان الرويس صاحب
الطاسه شاعر وانشد يقول


وطاستي من بين سبع الدواويـر غدابها اللي مايعـرف العوانـي
مدري خذوها الورد والا الحفافير والا خذاهـا واحـد مغلطانـي
اشكي على نوار شوق الغناديـر وابن سهل وان جاه علمي شفاني
كود النشاما يبعثـون المداويـر واتلا عهدها يوم هـل اشعبانـي



ورد الشيباني نوار قايلاً:




انا برز زعلان وانشد على البيـر واطرح خبرها عند كـل دعجانـي
وانشد على الروسان هم والمصارير واللي على الماء من رجال قحطاني
وسامـة الحيـه واهـل البواكيـر ووسامة الحلقـه وقاصـي ودانـي



وابن سهل رجل من اهل الدين والتقا والشعر يوجد فيه بعض الاحيان تجاوزات تصل للكذب
جاه محمد الرويس (عنتر) وقال انت مادورت طاستي مع اللي دوروها وانا ذاكرك في قصيدتي
قال انا بكره بروح اجيب الخرجيه(وهي احد مقررات ابن سهل عند الشيوخ) وبشتريلك طاسه جديده
بدلها واعفني من بعض المبالغات في الشعر قال انا ماعفيك لين تدور طاستي مع الرياجيل قاله اجل انا بدور الليل هذا كله
وانت الى اصبحت تعال واعلمك وش سويت ليلي كله : قال ابن سهل (رحمة الله عليه)




بديت ذكـر الله علـى كـل ماديـر ذكـر النبـي الهاشمـي الجنـانـي
يالله يامنشـي القنـوف المزابيـر يارب سامح ماظهـر مـن لسانـي
ياقاضي الحسنـى سريـع التدابيـر ياقاضي الحاجات ضافـي الحسانـي
البارحه مامسيت جانـي سواعيـر من هم عنتـر كـل عضوًشضانـي
مامسيت الا ان امسى محالً على بيرتقبـل وتقفيبـه عجـال السوانـي
جاني جواب من صبـي المخاسيـر في طاسـةً لـه غاديـه هالزمانـي
مدري خذوها الـورد والا الحفافيـر راحت فوات الحرص مـع ذيهبانـي
ماهيب طاسـة ناقضـات الدعاثيـر نجل العيـون مخومصـات المثانـي
مدهالهـا عنـد الـدلال المخاديـر تعبـا لتالـي الهيـل والزعفرانـي
اركبـت جيـش فوقهنـا حماريـر غير السفايف فوقهـا شكـل ثانـي
مربعـات فـي ليالـي المخاضيـر ومقياضها في الجله حيـل سمانـي
تسعيـن وجنـا فوقهنـه بياطـيـر وبيمانهم شغل النصـارى اليمانـي
مامور عشر هف حول ورى النيـر دور عتيبـه والشـلاوى وجـانـي
وديرة حضن داجوبهـن المداويـر دار البقـوم قروفهـا ورحمـانـي
وعشـر للوديـان راحـت مناحيـر داجت على حـدان كـل شهرانـي
وعشـر تنحـت للحصـاه وللنكيـر وتنحـرت تثلـيـث دار قحطـانـي
ديرة عشق وهديف حامي المثابيـر حامي اللدوح اليا جذت والحصانـي
وعشر يم الدواسر راحـت مناحيـر يـم الجنـوب وتنشـد الدوسرانـي
وشافوا لهن قطعان مدري مظاهيـر وتسابقـن النخـش وهريسـانـي
وداجت على المره يمين الجوافيـر جيـش قضـى الازم بليـا عوانـي
وعشرً نصن اسبيع اهـل المحاييـر واهل الحفر ورماح واهل الدجانـي
وعشرً تنصن مطلع الشمس عبيًـر واللـي عليهـا لابتـي كـل دانـي
للهاجـري والخالـدي والمناصيـر وسبيع والعجمان واهـل سفوانـي
والعازمي فـوق النقيـرات ونقيـر ماغاب منهم كود مـن مـات فانـي
اظهر على طاسة محمـد بتشهيـر اظهـر عليهـا يافصيـح اللسانـي
وعشرً نصن ضفير والهكر من غير وشمر مطوعت الصعـب مرجعانـي
داجت على عنـاز اهـل الدواويـر علـى هـل العليـا كبـار المبانـي
وعشرً تنصن حرب اهل المقاطيـر بنـي علـي والسالمـي والحنانـي
وعشرًلأبن رمان راحـت مناحيـر لاهل الشمـال وتنشـد الطرقيانـي
وجضوبها لمعـان غـرب مياسيـر وداجت على الترعه وبدع اللسانـي
وانا بعدهـن علـى الحـد باسيـر وبتوصـل ليـن ديـرة اتـوانـي
انشد على الساحل ودرب البوابيـر الساحـل الغربـي وهـاك المكانـي
والمهـد وصفانـه وبيـر البقاقيـر واهل امره واسواج وخشوم ابانـي
تعبت واتعبت النضا مـع شناضيـر ولا يقضي العـازات ولـد الهدانـي
لـو ان غادلـي ثـمـان مغاتـيـر ماتعبت جيشي في الحفا والصخانـي
ليلة اهلال العيـد عشاهـن الزيـر ولا احدً من الطرشان بالعلم جانـي
لعلها مـن قيـر فـي قيـر لاقيـر ماتلقا الا فـي البعـث يـوم ثانـي
والا مـع اللـي ياكلـون الخنازيـر اللي لهـم حمـر اللهايـب جنانـي


وسلامتكم
(ظافر بن العلبا الخنفري)


ودمتم بخير...